Search
Blog archive

اختيار قطعة مثالية للمناسبة

كل ست بتمر بلحظة مربكة جدا في حياتها، لما تكون مش عارفة تختارتلبس انهي قطعة من مجوهراتها.
سواء كانت خارجة مع صحابها، رايحة فرح، نازلة الشغل، او حتي وراها مشوار. دايما في "يستحسن" لما
نتملم عن المجوهرات.
السر في البساطة. بتليق علي كل المناسبات في كل اوقات اليوم. المجوهرات عنصر تكميلي، موجودة
عشان تكمل صورتك، تبرز جمالك و جمال لبسك. فلازم نخلي بالنا احنا لابسين ايه.
الاضاءة عامل مهم جدا، اللي ينفع يتلبس الصبح مش هيبان بالليل و اللي ينفع يتلبس بالليل هيبقي صعب
جدا الصبح. يستحسن نلبس الاحجار النصف كريمة بالنهار، لانها مش بتعكس الاضاءة بقوة. في حين ان
الالماس، و الزمرد و الزفير هينوروا و يلمعوا بالليل. اللؤلؤ عادي يتلبس في اي وقت.
المناسبة نفسها عامل مهم في اختيار المجوهرات. في مناسبات بتحتاج مجوهرات اقل، او مبتحتاجش
العزا. لو رايحة عزا يستحسن بلاش مجوهرات خالص، ده فيه احترام لمشاعر
عيلة المتوفي. بس لو لازم، يبقي حلق مسمار، سلسلة بسيطة زخارفها قليلة و دبلة.
الافراح تعتبر مناسبات خاصة جدا. اختيار المجوهرات بيرتبط بسواء انتي ضيفة او العروسة نفسها. لو
انتي العروسة يبقي تطلعي كل مجوهراتك المهمة و الفخمة. خلي بالك من قصة رقبة فستانك. لو من غير
حمالات يبقي بلاش عقد و البسي حلق مزخرف طويل، لو لازم عقد يبقي خليكي في الاطواق اللي تبرز
جمال رقبتك، مع حلق مسمار الماس لو هترفعي شعرك، لو مسيباه يبقي حلق متوسط الطول نازل لنص
الرقبة. لو انتي ضيفة الموضوع ابسط بكتير. البسي اي حاجة تليق علي فستانك بس متبقاش مبهرجة او
فخمة بزيادة. ده انسب وقت تلبسي فيه مجوهرات بسيطة متشدش العين عن العروسة.
المجوهرات اللي بتختاريها و انتي رايحة اجتماع او مناسبة شغل لازم تكون بسيطة. في اجتماعات الشغل
يستحسن متلفتيش الانظار بمجوهرات مبهرجة. تجنبي المجوهرات الضخمة االلي بتعمل اصوات مزعجة
في الحركة، او اي قطع ممكن تعيق حركتك.
خروجاتك و مشاويرك اليومية بتوعك. بس لازم برضه تخلي بالك من الطقم اللي انتي لابساه. لكل مقام
مقال، الفخامة و البهرجة ليها اوقاتها. في مشاويرك الشخصية اختاري المجوهرات اللي بتعبر عن
شخصيتك و اللي تحبي تتكلمي عنها، لان المجوهرات في الحالات دي ممكن تبقي وسيلة للتعارف و فتح
الكلام. اختاري القطع اللي ليها مكانة شخصية عنك و بتضيف لشخصيتك. حطي في اعتبارك انتي رايحة
فين و بتتعاملي مع مين. و وارد لو مش حابة متلبسيش مجوهرات خالص.
اخيرا، في قاعدتين مهمين تحطيهم في دماغك و انتي بتختاري مجوهراتك: لو لابسة طقم اساور في ايدك،
بلاش تلبسي خواتم كتير. و اختيارك للمجوهرات يكون معاكس و مبرز للهدوم، لو لبسك مزخرف و ملون
خلي مجوهراتك بسيطة و زخارفها و الوانها قليلة، و لو لبسك الوانه سادة و غامقة خلي مجوهراتك ملونة و
مزخرفة.مجوهرات خالص. زي 

Leave your comment